قد ما انا إنسانه بوقفش افكر (واحكي) قد ما صعب عليي أكتب.
مش كل إشي بحياتي منطقي,
بالعكس,
حياتي عم بتكون جدا مش منطقية.
بتمنى لو إني من النوع اللي بيختار الطرق السهلة.
بس من وقت ما انخلقت وانا "صعبة"
وعم بكون كتير صعبة مع حالي وعَ حالي
_______________________________________________
بعد 21 سنة ع هاد الكوكب إستنتجت أنه لا جدوى بإني احاول اكون شاطرة او ممتازة او متفوقة. أنا حالياً في بداية طريقي للوصول للإكتفاء الذاتي. بديش أكون فخر لحدا, بدي اكون مبسوطة.
أنا مش موجودة عشان احقق اماني هاد المجتمع الذكوري او ارضي توقعات الجهاز الرأسمالي.
أنا بنت, أنا بدي أعيش عشان نفسي, وهاد يمكن أقرب إشي ممكن أوصلّه لمانيفستو.
بعرفش من وين لازم اكمل من هون, بس بعرف وين بدي اوصل وهاد اهم إشي.
أنا طموحة جداً, حتى لو طموحي مش مفهوم للناس الي حواليي.
شكراً لإلي ع هيك قرار
No comments:
Post a Comment